დავით მეტრეველი

MD, PHD - საქართველო

თბილისის სახელმწიფო სამედიცინო უნივერსიტეტის ენდოკრინოლოგიის დეპარტამენტის ხელმძღვანელი, პროფესორი. საექიმო სტაჟი ენდოკრინოლოგიაში - 49 წელიწადი. პედაგოგიური საქმიანობის სტაჟი 43 წელიწადი.

ექიმთა დახელოვნების თბილისის სახელმწიფო ინსტიტუტის ენდოკრინოლოგიის კათედრის გამგე 1986 წლიდან. საქართველოს ოკუპირებული რეგიონებიდან დევნილთა, შრომის, ჯანმრთელობის და სოციალური დაცვის სამინისტროს მთავარი ენდოკრინოლოგი 1986 წლიდან, ამავე სამინისტროს ექსპერტი-ენდოკრინოლოგი 2006 წლიდან. საქართველოს ენდოკრინოლოგთა საზოგადოების თავმჯდომარე 2015 წლიდან. საქართველოს დიაბეტის სახელმწიფო პროგრამის კოორდინატორი 1997-2006 წლებში, დიაბეტის საერთაშორისო ევროპული პროგრამის კოორდინატორი საქართველოში 1993 წლიდან, საქართველოს დიაბეტური ასოციაციის სამედიცინო დირექტორი, იოდის დეფიციტით გამოწვეულ დაავადებათა პროფილაქტიკის სახელმწიფო პროგრამის მეცნიერი-კონსულტანტი 1997 წლიდან.

ევროპის ენდოკრინოლოგთა საზოგადოების წევრი, ევროპის თირეოიდული ასოციაციის წევრი, დიაბეტის შემსწავლელი ევროპული ასოციაციის წევრი, ამერიკის ენდოკრინოლოგთა საზოგადოების წევრი. შ.პ.ს. „დავით მეტრეველის სამედიცინო ცენტრი“-ს დირექტორი და კლინიკური სამსახურის ხელმძღვანელი.

უმთავრესი მეცნიერული ინტერესების სფერო: კლინიკური ენდოკრინოლოგია, დიაბეტოლოგია, თირეოიდოლოგია. 172 სამეცნიერო პუბლიკაციის ავტორი როგორც ეროვნულ, ისე საერთაშორისო გამოცემებში.

ნათია ვაშაყმაძე

MD - საქართველო

ნათია ვაშაყმაძე არის საქართველოს ენდოკრინოლოგიისა და მეტაბოლიზმის ასოციაციის დამფუძნებელი და პრეზიდენტი.

იგი არის კლინიკა ჰელსიკორის ენდოკრინოლოგიური განყოფილების ხელმძღვანელი და კლინიკა „კარდიო“-ს კონსულტანტი ენდოკრინოლოგი. აქვს სწავლების 5 წლიანი გამოცდილება, კერძოდ, ბიოქიმიასა და მოლეკულურ ბიოლოგიის ლექტორად მიწვეულია დავით ტვილდიანის სახელობის სამედიცინო უნივერსიტეტისა (DTMU) და ქართულ ამერიკულ უნივერსიტეტის (GAU) მიერ.

ზოგადი სამედიცინო განათლება მიღებული აქვს თბილისის სახელმწიფო სამედიცინო უნივერსიტეტში, კლინიკური რეზიდენტურა ენდოკრინოლოგიაში გავლილი აქვს სანკტ-პეტერბურგის მეჩნიკოვის სახელობის ჩრდილო-დასავლურ სამედიცინო უნივერსიტეტში, რის შემდგომაც კვალიფიკაციის ამაღლების მიზნით იმყოფებოდა ბერლინში, შატირეს საუნივერსიტეტო კლინიკაში ენდოკრინოლოგიისა და იშვაითი მეტაბოლური დარღვევების განყოფილებაში.

ნათია ვაშაყმაძის ორგანიზებით საქართველოში გაიმართა სატელიტური სიმპოზიუმები დიაბეტოლოგისა (2017) და ლიპიდოლოგიაში (2018) ამერიკულ ავსტრიული ფონდისა და ღია სამედიცინო ინსტიტუტის მხარდაჭერით, ასევე გაიმართა დისლიპიდემიის ნათარგმნი გაიდლაინის პრეზენტაცია პროფესორ პიტერ ლანსბერგთან ერთად (2018) და D ვიტამინის საერთაშორისო ვორქშოპი (2018); მისი ხელმძღვანელობით ექიმებისთვის 2018 წელს ითარგმნა და გამოიცა ენდოკრინული საზოგადოებისა (Endocrine Society) და მედიცინის ინსტიტუტის (IOM) D ვიტამინის დეფიციტის გაიდლაინები, ხოლო 2019 წელს ევროპის თირეოიდული ასოციაციის (ЕТА) გაიდლაინები გრეივსის დაავადების და (ETA/EUGOGO) გრეივსის ორბიტოპათიის შესახებ; ნათია ვაშაყმაძე გახლდათ 2019 წელს ჩატარებული გერიატრიული ენდოკრინოლოგიის საერთაშორისო კონფერენციისა და თირეოიდოლოგიის მასტერკლასის საორგანიზაციო კომიტეტის თავმჯდომარე.

იგი მუდმივად ესწრება საერთაშორისო და ადგილობრივ კონფერენციებს, ხშირად აქვს მოხსენებები სტუდენტებისთვის, რეზიდენტებისა და ექიმებისთვის როგორც ადგილობრივ, ასევე საერთაშორისო ღონისძიებებზე.

ნათია ვაშაყმაძე არის ევროპის ენდოკრინოლოგიის საზოგადოების (ESE), ევროპის ახალგაზრდა მეცნიერ ენდოკრინოლოგთა საზოგადოების (EYES), ენდოკრინოლოგიის საერთაშორისო საზოგადოებისა (ISE), ევროპის თირეოიდული საზოგადოების (ETA) წევრი.

მარინე გორდელაძე

MD, PHD - საქართველო

თსსუ ასოცირებული პროფესორი, გ.ჟვანიას სახ.პედიატრიის აკადემიური კლინიკის ბავშვთა ენდოკრინოლოგიური ცენტრის ხელმძღვანელი, საქართველოს პედიატრ ენდოკრინოლოგთა ასოციაციის პრეზიდენტი

1978 წელს დაამთავრა თბილისის სახ.სამედიცინო უნივერსიტეტი, 1980 წელი - კლინიკური ორდინატურა პედიატრიაში

1980-1984 - საკავშირო ენდოკრინოლოგიის ინსტიტუტი, ასპირანტი, ქ.მოსკოვი

1985 წელი - დაიცვა საკანდიდატო დისერტაცია თემაზე „აუტოიმუნური თირეოიდიტის დიაგნოსტიკისა და მიმდინარეობის თავისებურებანი ბავშვთა ასაკში“

1985-2000 წ.წ.- თსსუ ენდოკრინოლოგიის დეპარტამენტის ასისტენტ-პროფესორი

2000 წლიდან დღემდე ასოცირებული პროფესორი.

1996-2007 წ.წ. - იოდდეფიციტის პროფილაქტიკის სახელმწიფო პროგრამის მთავარი სპეციალისტი

1996-2007 წ.წ. - საქართველოში პირველი „ბავშვთა დიაბეტური სკოლის“ ორგანიზატორი და ხელმძღვანელი.

2004 წელი - საქართველოში თანდაყოლილ ჰიპოთირეოზზე ნეონატალური სკრინინგის გაიდლაინის ავტორი.

2006 წლიდან დღემდე ბავშვთა ენდოკრინოლოგიაში სახელმწიფო სარეზიდენტო პროგრამის ავტორი და დირექტორი

არის ESPE, EASD და სხვა ადგილობრივი და საერთაშორისო ასოციაციების წევრი. 4-ჯერ წარდგა მოხსენებით ზემოაღნიშნული ასოციაციების კონგრესებზე

არის 6 წიგნის და 68 სამეცნიერო ნაშრომის ავტორი

2012 წელს დაჯილდოვდა ღირსების ორდენით

მარი მალაზონია

MD, PhD - საქართველო

ექიმი-ნუტრიციოლოგი, კვების ეროვნული ცენტრის (National Nutrition Centre) დირექტორი, საერთაშორისო ასოციაცია“930“-ის პრეზიდენტი, დ. ტვილდიანის სახ. სამედიცინო უნივერსიტეტის (DTMU) და ქართულ-ამერიკული უნივერსიტეტის (GAU) ლექტორი , საზოგადოებრივი მაუწყებლის I არხის ყოველდღიური სატელევიზიო გადაცემის - „პირადი ექიმი მარი მალაზონია“ - ავტორი და წამყვანი.

დაამთავრა თბილისის სახელმწიფო სამედიცინო ინსტიტუტის (ამჟამინდელი თსსუ) სამკურნალო ფაკულტეტი. დიპლომის შემდგომი განათლება: ენდოკრინოლოგიაში, ჰემატოლოგიაში, დიეტოლოგიასა და ნუტრიციოლოგიაში; დოქტორანტურა დ. ტვილდიანის სახ. სამედიცინო უნივერსიტეტი.

დაამთავრა თბილისის სახელმწიფო სამედიცინო ინსტიტუტის (ამჟამინდელი თსსუ) სამკურნალო ფაკულტეტი. დიპლომის შემდგომი განათლება: ენდოკრინოლოგიაში, ჰემატოლოგიაში, დიეტოლოგიასა და ნუტრიციოლოგიაში; დოქტორანტურა დ. ტვილდიანის სახ. სამედიცინო უნივერსიტეტი. სამუშაო გამოცდილება: №1 კლ. საავადმყოფოს ენდოკრინოლოგიური განყოფილება, ჰემატოლოგიისა და სისხლის გადასხმის ს/კ ინსტიტუტი (1993-2004), შპს „ჩვენი ჯანმრთელობა“ (2002-2006). ევროპის პრევენციული რეგენერაციული და ასაკის დაძლევის მედიცინის საზოგადოების (ESAAM European Society of preventive, regenerative and Anti-Aging Medicine) წევრი (2006), სამაგისტრო პროგრამა „ნუტრიციოლოგია: კვების მოლეკულური და კლინიკური საფუძვლები“, ავტორი და ხელმძღვანელი. 2009 წლიდან სწავლობს ნუტრიციული სტატუსის ინდიკატორებს ქართული პოპულაციის ხანდაზმულ პირებში. მონაწილეობდა კვების სტანდარტების და საკვების მოხმარების ნორმების შემუშავებში ქართული პოპულაციის სხვადასხვა ჯგუფებისთვის (2010).

არის ჯანსაღი ცხოვრების წესის შესახებ საგანმანალებლო პროგრამის ავტორი. საქართველოში პირველი პოპულარული სამედიცინო ჟურნალების „ჯანმრთელობის“ და „ჩვენი ჯანმრთელობის“ დამაარსებელი და მთავარი რედაქტორი (1999-2006). ქართული სამედიცნო ენციკლოპედიის საერედაქციო ჯგუფის წევრი (2005-2007). არაერთი გამოცემის ავტორი და რედაქტორი, მათ შორის, პირველი დარგობრივი მეთოდური სახელმძღვანელოსი „ნუტრიციული სტატუსის დიეტ-შეფასებისთვის აუცილებელი კითხვარის Sემუშავება ქართული პოპულაციის ხანდაზმულ პირებში“(2018).

რამაზ ყურაშვილი

MD, PHD - საქართველო

მედიცინის დოქტორი, პროფესორი რამაზ ყურაშვილი - დიაბეტის კვლევის ეროვნული ცენტრის და დიაბეტის, ენდოკრინული და გულ - ფილტვის დაავადებების ცენტრის კლინიკური დირექტორი და დამფუძნებელი, საქართველოს დიაბეტის და ენდოკრინული ასოციაციების კავშირის დამფუძნებელი და თავმჯდომარე, ჟურნალ "დიაბეტი და ჯანმრთელობა" დამფუძნებელი, რედაქტორი დარუბრიკის წამყვანი ავტორი.

1971წ დააარსა რესპუბლიკური კონფერენციების ჩატარება, რომელიც დღემდე გრძელდება

ბოლო წლების განმავლობაში, კვლევების მთავარი მიმართულებაა შაქრიანი დიაბეტის პათოგენეზის შესწავლა, დიაგნოსტიკა, მკურნალობა. დიაბეტის სკრინინგი, დიაბეტის და მისი მძიმე გართულებების და კომორბიდული მდგომარეობების მართვა. ის ასევე აქტიურად არის ჩართული პაციენტთა თერაპიული განათლების დანერგვით ყოველდღიურ პრაქტიკაში.

კვალიფიკაცია გაიარა NHI - ბეტესტის გულის და ფილტვების დაავადებების ნაციონალურ ინსტიტუტში; სედარ სინაის სამედიცინო ცენტრში, ლოს ანჟელესში; მოსკოვის ორ პრესტიჟულ კარდიოლოგიის და ენდოკრინოლოგიის ცენტრებში.

500-ზე მეტი პუბლიკაციის ავტორი ქართულ, რუსულ და ინგლისურ ენებზე. მისი ხელმძღვანელობით, ქართულად ითარგმნა და გამოიცა 20-ზე მეტი საერთაშორისო და ევროპული კონსენსუსი და სახელმძღვანელო, მომზადდა და გამოიცა მთელი რიგი მეთოდური რეკომენდაციები.

პროფესორი რამაზ ყურაშვილი ასწავლის ენდოკრინოლოგიას AETI-ის სამედიცინო უნივერსიტეტის სტუდენტებს, ხელმძღვანელობს ტრენინგებს ზოგადი პრაქტიკის/ოჯახის ექიმებისა და ენდოკრინოლოგებისათვის.

არის IDF, EASD, AACE, ESA, ESC, NeuroDiab, DESG / EASD; D-Foot Internarional/IWGDF, EASDec წევრი და ქვეყნის წარმომადგენელი, საქართველოს ენდოკრინოლოგთა და კარდიოლოგთა საზოგადოების, ჰიპერტენზიის საზოგადოების, საქართველოს სამედიცინო საზოგადოების, დიპლომის შემდგომი განათლების საზოგადოების წევრი. საქართველოს ექიმთა ასოციაციის საპატიო პრეზიდენტი, საქართველოს ჯანდაცვის სამინისტროს ექსპერტი ენდოცრინოლოგიაში, საქართველოს პარლამენტთან არსებული მოწევის წინააღმდეგ ბრძოლის კომიტეტის წევრი. წლების განმავლობაში მონაწილეობს საერთაშორისო, ევროპის და აზიის ფორუმების მუშაობაში, მრავალჯერ ზეპირი მოხსენებებით მიწვეული იყო საერთაშორისო და ევროპის კონგრესებზე.

დაჯილდოებულია: საქართველოს საპატიო ორდენი (2002); იტალიის ექიმთა ასოციაციის საპატიო სიგელი (2009); საუკუნის ექიმის წოდება (2019); აჭარის ავტონომიური რესპუბლიკის ჯანმრთელობის და სოციალური დაცვის სამინისტროს სიგელი (2019); აფხაზეთის უმაღლესი საბჭოს სიგელი (2019); დიაბეტის სფეროში შეტანილი წვლილისათვის IDF პრეზიდენტის საპატიო ჯილდო (2019); მედია ვარსკვლავი მედიცინის განვითარებაში შეტანილი წვლილისთვის (2020).

აქტიურად იცავს დისკრიმინაციისაგან დიაბეტიან და სხვა არაგადამდები დაავადებების მქონე პირებს.

ლალი ჯავაშვილი

MD, PHD - საქართველო

ლალი ჯავაშვილი, მმდ, პროფესორი, სპეციალიზირებული ენდოკრინოლოგიური კლინიკის „კორტექსი“ დამფუძნებელი და დირექტორი.

დაიბადა 1954 წელს, 1977 წ. თსსუ-ს დამთავრების შემდეგ 1982 წლამდე მუშაობდა ქ. გორის და ქ. თბილისის სასწრაფო სამედიცინო ცენტრებში ექიმ-თერაპევტად და შოკ-ბრიგადის ხელმძღვანელად.

1982-2006წწ. -თსსუ ენდოკრინოლოგიის კათედრის კლინიკურ ორდინატორად, უფროს ლაბორანტად, ასისტენტ-პროფესორად და სასწავლო ნაწილის გამგედ.

1997-2004წწ. -ასრულებდა ექიმთა და დიაბეტის დაავადებულთა თბილისის რეგიონული კავშირის აღმასრულებელი დირექტორის მოვალეობას.

2002-2004წწ.-საქართველოს შრომის, ჯანმრთელობისა და სოციალური დაცვის სამინისტროს კატასტროფის ცენტრის კონსულტანტი.

2003-2011წწ. -დ.ტატიშვილის ცენტრის ენდოკრინოლოგიური სამსახურის უფროსი.

2005-2011წწ.- ალადაშვილის სახ. 1 კლინიკის, სამედიცინო ცენტრების „კურაციო“, „ურანტი,“ „ინტერკლინიკა“, გაგუას სამშობიარო სახლის კონსულტანტად, იმუნოთერაპიისა და ქიმიოთერაპიის ცენტრის „მედულა“ ენდოკრინოლოგიური სამსახურის უფროსად.

2009წ-დღემდე არის თსსუ პოსტდიპლომური განათლების რეზიდენტურის ბაზის ხელძღვანელი ენდოკრინოლოგიაში.

2011წ-დღემდე- სამედიცინო ცენტრის „კორტექსი“ დამფუძნებელი დაა ხელმძღვანელი

არის მედიცინის აკად. დოქტორი, 50-ზე მეტი სამეცნიერო შრომის ავტორი, 10 სადოქტორო დისერტაციის თანახელმძღვანელი.

პროფესიული ინტერესის სფეროებია: მეტაბოლური სინდრომი, შაქრიანი დიაბეტი, ირ/ჰიპერინსულინემია, ცხიმიანი ღვიძლის დაავადება, თირეოიდოლოგია, ზოგადი აუტ. პათოლოგია, მრავლობითი ნეოპლაზია.

ჰყავს 3 შვილი და 3 შვილიშვილი.

მაკა (მანანა) გეგეჭკორი

MD, PHD - საქართველო

სპეციალიზაცია - რეპროდუქტოლოგი; პროფესიული გამოცდილება - სამუშაო სტაჟი - 36 წ

1984 წლის სექტემბრიდან - 2016 წ აგვისტომდე - ი ჟორდანიას სახ. ადამიანის რეპროდუქციის ს/კ ინსტიტუტის ექიმის რეპროდუქტოლოგი. 2012-2016 წ - ინსტიტუტის ამბულატორიული განყოფილების ხელ-ლი. 2016 წლის აგვისტოდან დღემდე ზ.საბახტარაშვილის რეპროდუქციული კლინიკა, სასწავლო-სამეცნიერო მიმართულების ხელ-ლი.

საქართველოს გინეკოლოგ-ენდოკრინოლოგთა ასოციაციის ხელ-ლი

პედაგოგიური გამოცდილება - 2001 წლიდან 2012 წ-მდე - თსუ, მედიცინის ფაკულტეტის მეანობა-გინეკოლოგია-რეპროდუქტოლოგიის დეპარტამენტის დიპლომამდელი სწავლება ასისტენტ-პროფესორი. 2008 წლიდან დღემდე თსსუ მოწვეული პედაგოგი - რეზიდენტურის პროგრამა - მოდულები - „უნაყოფობა და რეპროდუქციული სისტემის რეგულაცია“; „გინეკოლოგიური ენდოკრინოლოგია“; „ბავშვთა და მოზარდთა რეპროდუქციული ჯანმრთელობა“. ლოკალური ხელ-ლი. (2016 წლიდან დღემდე ზ.საბახტარაშვილის რეპროდუქციული კლინიკა; 2002 – 2016 წწ ჟორდანიას სახ. ადამიანის რეპროდუქციის ს/კ ინსტიტუტი)

2009 წ - დღემდე თსსუ, მოწვეული პედაგოგი - „მოზრდილთა სწავლების თანამედროვე პრინციპები და ფუნდამენტური საფუძვლები“ - უპგ პროგრამა

„ოჯახის ექიმების ტრენინგი ანტე და პოსტნატალური დახმარების კურსი, ოჯახის დაგეგმვის თანამედროვე მეთოდები, ონკოსიფხიზლე და და პრევენციული სკრინინგული ტესტები“ - აკრედიტირებული უპგ. - UNFPA კონსულტანტი, ექსპერტი 2011 წლიდან

ყირგიზეთის სამედიცინო პროფილის უმაღლესი სასწავლებლების და საქართველოს თსსუ დიპლომამდელ და დიპლომშემდგომ სასწავლო პროგრამებში - ოჯახის დაგეგმვის თანამედროვე მეთოდების სასწავლო კურიკულუმის ავტორი. ტრენერი 2010 წლიდან

რეპროდუქტოლოგიის სარეზიდენტო პროგრამის, სასწავლო მოდულების თანაავტორი.

უპგ, აკრედიტებული სემინარები - „ რეპროდუქციული ჯანმრთელობა“ „ გინეკოლოგიური ნეიროენდოკრინული სინდრომები“ ; „ოჯახის დაგეგმვის თანამედროვე მეთოდები“

რამოდენიმე საერთაშორისო საგანმანათლებლო პროგრამის მასტერ ტრენერი - [John Snow Institute of Training and Research, USAID; UNICEF; MSH, CIF; JHPIEGO Corporation; Open Society- Georgia Foundation; Europe and Eurasia Regional Family Planning Activity]

2003 წ-დან მედიცინის აკადემიური დოქტორი

2013 წ - დან თსსუ კლინიკის პროფესორი

ნაზიბროლა ჩირაძე

MD - საქართველო

ნაზიბროლა ჩირაძე გახლავთ ექიმი ენდოკრინოლოგი, მუშაობს დიაბეტის ენდოკრინული და გულ-ფილტვის დაავადებათა ცენტრში - „დიაკორი“ და ქართულ-ფრანგულ ერთობლივ ჰეპატოლოგიურ კლინიკაში - „ჰეპა“.

2008 წელს წარჩინებით დაასრულა თბილისის სახელმწიფო სამედიცინო უნივერსიტეტის მედიცინის ფაკულტეტი. ენდოკრინოლოგიაში სპეციალიზაცია გაიარა თბილისის სახელმწიფო სამედიცინო უნივერსიტეტის დიპლომის შემდგომი განათლებისა და უწყვეტი პროფესიული განვითარების ინსტიტუტში „საქართველოს დიაბეტის ცენტრისა“ და „დავით მეტრეველის სამედიცინო ცენტრის“ კლინიკურ ბაზებზე. 2013 წელს მიენიჭა სახელმწიფო სერტიფიკატი ენდოკრინოლოგიაში, რის შემდეგაც აქტიურად არის დაკავებული პროფესიული საქმიანობით.

არის ევროპის ენდოკრინოლოგიის საზოგადოების, ევროპის თირეოიდული ასოციაციის, ევროპის ათეროსკლეროზის საზოგადოების, საქართველოს დიაბეტის და ენდოკრინულ ასოციაცათა კავშირის, ვაჟა ივერიელის სახელობის საქართველოს ენდოკრინოლოგთა საზოგადოების და საქართველოს ენდოკრინოლოგიისა და მეტაბოლიზმის ასოციაციის პარტნიორი წევრი.

რეგულარულად იღებს მონაწილეობას ადგილობრივ და საერთაშორისო კონფერენციებში. არის რამდენიმე სამეცნიერო ნაშრომის ავტორი.

მაია ხუბუა

MD, PHD - საქართველო

მაია ხუბუა - ექიმი-ენდოკრინოლოგი, ივანე ჯავახიშვილის სახელობის თბილისის სახელმწიფო უნივერსიტეტის (TSU) ასოცირებული პროფესორი.

დაამთავრა თბილისის სახელმწიფო სამედიცინო ინსტიტუტის (ამჟამინდელი თსსუ) სამკურნალო ფაკულტეტი. დიპლომის შემდგომი განათლება - ინტერნატურა და ასპირანტურა ენდოკრინოლოგიაში, მიიღო თბილისის სახელმწიფო სამედიცინო ინსტიტუტში (ამჟამინდელი თსსუ).

სამუშაო გამოცდილება: 1988-1996 წწ რესპუბლიკური ცენტრალური კლინიკური საავადმყოფოს ენდოკრინოლოგიური განყოფილება, 1996-2008 წწ მედიკო–სანიტარული ნაწილი № 9 და ,,შაქრიანი დიაბეტის სკოლა” რუსეთში ქ. დუბნა, 2008 წლიდან დღემდე მოღვაწეობს საქართველოში, ამჟამად არის სამედიცინო ცენტრ ,,ციტო”-ს, სამედიცინო ცენტრ ,,ინოვა”-ს და ქალთა კლინიკა ,,მედიქეა”-ს კონსულტანტი.

ლალი ნიკოლეიშვილი

MD, PHD - საქართველო

ევროპის დიაბეტის შემსწავლელი ასოციაციის (EASD) წევრი 1997 წლიდან

საქართველოს ენდოკრინოლოგთა საზოგადოების წევრი 1997 წლიდან

საქართველოს ენდოკრინოლოგთა საზოგადოების წევრი 1997 წლიდან

საქართველოს დიაბეტისა და ენდოკრინული ასოციაციების კავშირის წევრი 1997 წლიდან; /p>

ამერიკის კლინიცისტ ენდოკრინოლოგთა ასოციაციის წევრი 2005 წლიდან;

ევროპის თირეოდოლოგთა ასოციაციის წევრი 2014 წ;

ამერიკის დიაბეტის ასოციაციის წევრი 2017 წლიდან და სხვ.

დიაბეტის, ენდოკრინული და გულ-ფილტვის დაავადებების ცენტრი - „დიაკორის თანადამფუძნებელი’’; ენდოკრინოლოგიისა და მეტაბოლოგიის მიმართულების ხელმძღვანელი. პროგრამის „დიაბეტისა და მისი გართულებების პრევენციის პროგრამა” - განმახორციელებელი; „დიაბეტისა და მისი კო-მორბიდული დაავადებების ერთობლივი მართვის” პროგრამის ინიციატორი; „დიაბეტის აკადემიის” ხელმძღვანელი; თსსუ დიპლომისშემდგომი სამედიცინო განათლების და უწყვეტი პროფესიული განვითარების ინსტიტუტის ენდოკრინოლოგიის პროგრამის ლოკალური ხელმძღვანელი. ევროპის უნივერსიტეტის ასოცირებული პროფესორი 2019 წლიდან.

DISCOVER Global Registry-ს ნაციონალური კოორდინატორი.

მრავალი საერთაშორისო თუ ადგილობრივი კონფერენციისა და კონგრესის მონაწილე და პრეზენტაციების ავტორი / თანაავტორი

ექიმებისა და პაციენტებისთვის განკუთვნილი სხვადასხვა სამედიცინო ლიტერატურის ქართულ ენაზე თარგმნისა და გამოცემის ორგანიზატორი.